Bolorsoft LLC

Танилцуулга

Бидний тухай

Болорсофт ХХК нь Герман улсад бэлтгэгдсэн чадварлаг хамт олонтойгоор анх 2008 онд үүсгэн байгуулагдсан, цахим хэл шинжлэл (NLP), хиймэл оюун (AI), программ хангамж (SW) хөгжүүлэх болон арчилгаа хийдэг мэргэжлийн компани юм. Эдүгээ 12 жилийн турш тасралтгүй үйл ажиллагаа явуулж байна. Манай үндсэн үйл ажиллагаа нь цахим хэл шинжлэл, хиймэл оюунд суурилсан бүтээгдэхүүн үйлдвэрлэх, гадаад болон дотоодын байгууллагуудын захиалгат программ хангамж, энтерпрайс систем, вебд суурилсан бүх төрлийн систем, программ хангамж нутагшуулах зэрэг үйлчилгээг инженерийн өндөр сахилга бат болон мэдлэгт суурилан хүргэдэг.

Манай бүтээгдэхүүн, үйлчилгээ бүр судалгаанд суурилан, найдвартай байдлыг хангадаг бөгөөд бид программ хөгжүүлэлтийн бичиг баримт, хэрэглэгчийн гарын авлагыг олон улсын стандартад нийцүүлэн боловсруулдаг тул та бүхэн мэдээллийн технологийн бүх асуудлаа Болорсофтод бүрэн хариуцуулж болно.

Бидний давуу тал

Болорсофт ХХК-ны бусдаас ялгарах гол онцлог давуу талууд нь ажилдаа мэргэшсэн хамт олны хүчээр судалгаанд суурилсан хөгжүүлэлт (R&D) хийж, найдвартай, чанартай, анхдагч байдлыг бий болгосон бүтээгдэхүүнүүд үйлдвэрлэдэгт оршино.

Ажлын туршлага: Бид 2008 оноос хойш Монгол хэлний цахим буюу компьютер боловсруулалтаар дагнан ажиллаж, хамгийн анхны Монгол хэлний Морфологийн автомат, хамгийн анхны бүрэн автомат мэдээллийн мониторингийн систем, автомат тренд олох систем, хамгийн анхны яриаг бичвэрт буулгах болох, бичвэрийг ярианд хөрвүүлэх системийг хөгжүүлж, зах зээлд гаргаад байна. Мөн одоогоор Монгол хэлний хамгийн том өгүүлбэрийн хөмрөгийн эзэмшиж байна.

Судалгаанд суурилсан хөгжүүлэлт: Бид Монголын хамгийн амжилттай R&D компанийн хувьд цаг ямагт шинийг сэдэж түүнийгээ судлан, бодит мэдээлэл дээр үндэслэн программ хангамжаа хөгжүүлдэг билээ. Тиймээс бидний бүтээгдэхүүнүүд салбартаа үргэлж анхдагч болдог бөгөөд зохиогчийн эрхээр хамгаалагдсан байдаг.

Найдвартай байдал: 2008-2020 оныг хүртэл мэдээллийн технологийн өрсөлдөөний давалгаанд чанартай байдлыг эрхэмлэн бат зогсож чадсан билээ. Болорсофт ХХК нь туршлага болон салбарын мэдлэгтээ тулгуурлан найдвартай ажиллагааг хамгийн итгэлтэйгээр амлаж чаддаг.

Чанартай байдал: Бид бүхий л бүтээгдэхүүн, үйлчилгээг хэрэгжүүлэхдээ бичиг баримт үүсгэж, олон улсын стандартуудыг баримтлан инженерийн сахилга батыг чандлан сахидаг учраас “чанартайгаас илүү” бүтээгдэхүүн үйлчилгээг хэрэглэгчдэдээ хүргэдэг.

Мэргэшсэн байдал: Болорсофтын хамт олон Монгол болон Герман улсад мэргэшсэн чадварлаг, ажлаа бүрэн мэддэг залуусаас бүрдэхээс гадна салбартаа тэргүүлэх программ хангамжийн архитектурч бидний зөвлөхөөр ажиллаж байна.

Гадаад харилцаа: Бид олон улсын түвшинд үйл ажиллагаа явуулдаг бөгөөд АНУ болон Герман улсад бидний төлөөлөгчид ажилладаг тул дэлхий нийтийн мэдээллийн технологийн хөгжлөөс огтхон ч хоцордоггүй, Монголдоо байнгын анхдагч байж чаддаг билээ. Тиймээс хэрэглэгчдэдээ Герман болон АНУ-д үзүүлэх үйлчилгээг Монголдоо авах боломжийг санал болгож байна.

Түүхэн цаглабар

Эхлэл

Болорсофт ХХК анх С.Бадралын санаачилгаар үүсгэн байгуулагдав.

2008
Анхны бүтээл

Бидний анхны бүтээл гадаад монгол цахим толь Болор-толь нэртэйгээр гарав.

2009
Гишүүнчлэл

Мэдээллийн Технологийн Хүрээлэнгийн Инкубаторын хөтөлбөрт элссэн.

2010
Герман улстай хамтын ажиллагаа

Герман улсын Аахен хотын RWTH Их сургуультай судалгаа шинжилгээний ажилд хамтарч ажиллах болсон.

2010
Тэргүүлэх компани

Монголын Мэдээлэл Технологийн Хүрээлэнгийн Инкубаторын тэргүүний компаниар тодров.

2011
Салбарын шилдэг компани

Мэдээлэл Холбоо Компьютер Сүлжээний өрсөлдөх чадварыг судлах нийгэмлэгээс "Салбарын манлайлагч хамт олон" өргөмжлөл гардан авав.

2011
Хөтөлбөрийн төгсөгч

Мэдээлэл Технологийн Инкубатор хөтөлбөрийн "Шилдэг төгсөгч компани" аар шалгарав.

2012
Монгол бичгийн фонтууд

Олон улсын стандартад нийцсэн Монгол бичгийн үсгийн фонтыг бүтээж зохиогчийн эрхээ авсан.

2012
Юникод монгол бичгийн код ашигласан анхны цахим хуудас

Монгол Улсын Ерөнхийлөгчийн албан ёсны цахим хуудсыг босоо монгол бичгээр урлав. Энэ нь веб программчлалд анх удаа юникод стандартаар шийдсэн монгол бичгийн цахим хуудас болсон. www.president.mn/mng

2012
Кирилл бичгийн алдаа шалгуур

Бид үг зүйн судалгаан дээрээ суурилан "Болор" алдаа хянах программ хангамжийг зохиов.

2013
Олон улсын зах зээл дэх бүтээгдэхүүн

Xslides нь илтгэл тавих түүнийг үүсгэх уламжлалт хэв маягийг шинэчилсэн, үүлэнд байршсан шинэ үеийн илтгэлийн программ юм. www.xslides.com

2014
CEBIT 2015 оролцогч

Xslides илтгэлийн программаараа олон улсын хамгийн том үзэсгэлэн болох CEBIT-д монгол улсаас бие даан оролцож буй анхны оролцогч болов.

2015
Машин сургалтын бүтээгдэхүүн

R&D арга барил дээрээ суурилан, анхны машин сургалтад суурилсан мэдээллийн хэрэгслийн оюунт тогтолцоог бүтээв. www.eduge.mn

Машин сургалтад суурилсан бүрэн автомат мэдээллийн мониторингийн тогтолцоог бүтээв. www.kudos.mn

Болор дуран алдаа хянах системээ шинэчлэн Майкрософтын бүх стандарт программуудтай холбон 2.0 хувилбараа гаргав. buy.bolorsoft.com

2016
Монгол бичгийн Юникодын засвар

Монгол бичгийн Юникодыг засах үйл ажиллагааг хийж, тунгаамал загварыг гарган техникийн хувьд бүрэн шийдвэрлэв. Загварын тодорхойлолт болоод дагалдах бүх хэрэгслүүдийг нээлттэйгээр https://www.mngl.net хуудаснаа байршуулав.

2017 оноос хойших Юникодын бүх хурлуудад оролцож, алдаанууд болоод засах хэд хэдэн саналыг бэлдэж оруулав.

2017
Монгол яриа боловсруулах системүүд

Хиймэл оюунд суурилан Монгол авиаг бичвэрт буулгах болон бичвэрийг ярианд хөрвүүлэх системүүдийг анхлан бүтээж, зах зээлд нийлүүлэв.

2019

2015-05-16

Үйл явдал

ICT EXPO 2015

Манай компани уламжлал ёсоороо оролцож байгаа тул бүхэн ICT Expo 2015 үзэсгэлэн дээр ирж манай компаниар зочлон бидний бүтээгдэхүүнүүдтэй танилцаарай.

Жил бүр уламжлал болгон зохион байгуулагддаг монголын мэдээллийн технологи, харилцаа холбооны салбарын хамгийн том үзэсгэлэн болох “ICT Expo” 2015 оны 5 дугаар сарын 21-нээс 25-ны өдрүүдэд Мишээл Экспо төвд болж байна. Манай компани уламжлал ёсоороо оролцож байгаа тул бүхэн ICT Expo 2015 үзэсгэлэн дээр ирж манай компаниар зочлон бидний бүтээгдэхүүнүүдтэй танилцаарай.

2015-05-12

Бүтээгдэхүүн

БОЛОР ДУРАН 1.6 ГАРЛАА

Эрхэм хэрэглэгч танд "Болор дуран” 1.6 хувилбар гарч байгааг дуулгахад таатай байна. Энэ хувилбарт дараах шинэчлэлийг хийлээ.

2015-04-21

Үйл явдал

CEBIT 2015 -Д ОРОЛЦСОН ТУХАЙ

Болорсофт ХХК-ийнхан Герман улсын Ханновер хотноо зохиогдсон дэлхийн хамгийн том мэдээллийн технологийн үзэсгэлэн болох CeBIT 2015-д XSlides илтгэлийн програмаараа оролцон, дэлхийд бүтээгдэхүүнээ гаргах эхний алхмаа амжилттай хийгээд ирлээ. Үзэсгэлэнд оролцсон манай багийн зүгээс өөрсдийн төсөл, санаагаа дэлхий нийтэд танилцуулахаас гадна мэдээллийн технологийн хөгжлийн түвшин, ирээдүйн чиг хандлагыг таньж мэдэх, бүтээгдэхүүнээ олон улсын зах зээлд гарах гарцыг эрэлхийлэхийг гол зорилгоо болголоо. Чамгүй олон зүйлийг харж, мэдэж авлаа.

Үзэсгэлэнд оролцогчдын 90 дээш хувь нь XSlides-ын талаар эерэг хандлагатай буюу бусад ижил төрлийн бүтээгдэхүүнтэй өрсөлдөхүйц хэмжээний бүтээгдэхүүн болсныг дурдаж байсан нь бидэнд улам итгэл, урам зориг, эрч хүчийг өгснийг энд дурдах нь зүйтэй байх. Мөн хэд хэдэн компани, хувь хүмүүстэй бүтээгдэхүүний хөгжүүлэлт, бизнесийн тал дээр хамтарч ажиллахаар болсныг дуулгахад таатай байна.
Бидний зүгээс өөрсдийн шинэ бүтээгдэхүүнийг улам төгс, боловсронгуй болох тал дээр мэдээж ажиллах бөгөөд түүнээс гадна, энэ төрлийн ялангуяа гарааны бизнесийнхэнд зориулсан хэд хэдэн үзэсгэлэн, акселератор хөтөлбөрүүдэд 2015 онд хамрагдахаар төлөвлөөд байна.
Дээр дурдсанчилан CeBIT 2015-д оролцсоноороо бидний зөвхөн эхний бөгөөд хамгийн чухал алхмыг хийж чадсан ба амжилтын оргил өөд цаашид улам итгэл төгс алхах болно.